თიბისის განათლების პროგრამის მხარდაჭერითა და საქართველოს ინოვაციების და ტექნოლოგიების სააგენტოს (GITA), ბათუმის ტექნოპარკის ორგანიზებით, 23-29 ოქტომბერს ჩატარდა Data Bootcamp-ი.
7 დღიან ინტენსიურ, სასწავლო კურსებზე მონაწილეებმა გაიღრმავეს ცოდნა ხელოვნური ინტელექტის (AI), მანქანური სწავლების (ML) და კომპიუტერული ხედვის (CV) მიმართულებით.
Data Bootcamp – ში მონაწილეობა მიიღეს ბათუმის შოთა რუსთველის სახელმწიფო უნივერსიტეტის კომპიუტერული მეცნიერების ძირითადი და დამატებითი საგანმანათლებლო პროგრამის სტუდენტებმა გურამ დავითაძემ , თინათინ როდინაძემ და არჩილ თავდგირიძემ.
პრაქტიკული და თეორიული სწავლება ითვალისწინებდა აგრეთვე მონაწილეების მიერ ბიზნეს იდეებისა და პროტოტიპების წარდგენას და გამარჯვებული გუნდის გამოვლენას. რჩეული გუნდის წევრები, ბსუ-ს სტუდენტები: გურამ დავითაძე და თინათინ როდინაძე, დაჯილდოვდნენ 1000 ლარიანი ვაუჩერით, ისინი ასევე 5 საუკეთესო მონაწილეთა შორის თიბისი ბანკის მონაცემთა მეცნიერების დეპარტამენტში გაივლიან სტაჟირებას.
